Við höfuðverk, öðrum tilfallandi verkjum og mígreni.

TREO freyðitöflur (asetýlsalicýlsýra 500 mg/koffín 50 mg) er lyf sem hægt er að kaupa án lyfseðils og er notað við höfuðverk, öðrum tilfallandi verkjum og mígreni. Börn yngri en 15 ára mega ekki nota Treo nema í samráði við lækni og aldrei ef þau eru með hita. Hafið samband við lækni ef einkenni versna eða batna ekki innan 3 daga ef um hita og mígreni er að ræða, eða innan 5 daga ef um höfuðverk er að ræða. Þungaðar konur og konur sem fyrirhuga að verða þungaðar ættu að forðast notkun Treo. Ekki má nota lyfið á meðgöngu nema í samráði við lækni. Lesið fylgiseðilinn vandlega áður en byrjað er að nota lyfið. Leitið til læknis eða lyfjafræðings sé þörf á frekari upplýsingum um áhættu og aukaverkanir, sjá nánari upplýsingar um lyfið á www.serlyfjaskra.is. Markaðsleyfishafi er Viatris Aps.
Hvar fæst Treo?  Hér kaupir þú treo!
  • Heim
  • Hvað er Treo?
Treo_tub

Hvað er Treo?

Treo (asetýlsalicýlsýra 500 mg/koffín 50 mg) eru freyðitöflur
sem hægt er að kaupa án lyfseðils og innihalda asetýlsalicýlsýru og koffín.

Treo inniheldur acetýlsalicýlsýru sem hefur hefur verkjastillandi, hitalækkandi og bólgueyðandi áhrif. Treo er notað við tilfallandi vægum eða miðlungs alvarlegum verkjum, t.d. höfuðverk, þ.m.t. mígrenihöfuðverk, tannverk, vöðva- og liðverkjum og tíðaverkjum.

Hvernig verkar Treo?

Asetýlsalicýlsýra dregur úr verkjum með því að hindra myndun tiltekinna efna sem nefnast prostaglandín. Hitastillandi áhrif stafa af því að asetýlsalicýlsýra eykur hitalosun líkamans.
Koffín eykur verkjastillandi áhrif asetýlsalicýlsýru. Koffín hefur auk þess verkjastillandi áhrif vegna þess að það veldur því að æðar í heila, sem hafa víkkað t.d. við mígrenikast, dragast saman á ný. Koffín hefur einnig örvandi áhrif.

Treo eru freyðitöflur sem eru leystar upp í vatni. Freyðitöflur frásogast hraðar en hefðbundnar töflur og hámarksþéttni í plasma næst eftir u.þ.b 30 mín. Verkunartíminn er 4-6 klst.

Varnaðarorð:
Fullorðnir og unglingar eldri en 15 ára: 1-2 freyðitöflur 1-4 sinnum á sólarhring eða samkvæmt fyrirmælum læknis. Má nota að hámarki í 10 sólarhringa í mánuði.

Verkjastillandi áhrif aukast ekki við að taka fleiri en 2 freyðitöflur í einu. Hafið samband við lækni ef einkenni versna eða batna ekki innan 3 daga ef um hita og mígreni er að ræða, eða innan 5 daga ef um höfuðverk er að ræða.

Þungaðar konur og konur sem fyrirhuga að verða þungaðar ættu að forðast notkun Treo. 

Ekki má nota lyfið á meðgöngu nema í samráði við lækni.

Börn yngri en 15 ára mega ekki nota Treo nema í samráði við lækni og aldrei ef þau eru með hita.

Til eru 3 gerðir af Treo: Treo, Treo Citrus og Treo Hindbær.

Lesið fylgiseðilinn vandlega fyrir notkun.

Ekki má nota Treo ef þú:

  • ert með ofnæmi fyrir asetýlsalisýlsýru, koffíni eða einhverju innihaldsefnanna.
  • hefur einhvern tíma fengið ofnæmisviðbrögð, svo sem astma, öndunarerfiðleika, ofnæmiskvef eða ofsakláða eftir notkun asetýlsalisýlsýru eða tiltekinna annarra bólgueyðandi lyfja.
  • ert með magasár.
  • ert með blæðingarkvilla eða of fáar blóðflögur.
  • ert með verulega skerta lifrarstarfsemi.
  • ert með alvarlega hjartabilun.
  • ert með alvarlegan nýrnasjúkdóm.
  • ert með mikið skerta starfsemi hjarta.
  • ert barnshafandi á 7.-9. mánuði meðgöngu.
  • ert yngri en 15 ára og ert með hita.

Varnaðarorð og varúðarreglur

Notkun í stærri skömmtum en ráðlagðir eru getur haft í för með sér alvarlega áhættu. Ekki á að nota mismunandi verkjastillandi lyf samtímis nema að læknisráði.

Ráðfærðu þig við lækninn eða lyfjafræðing áður en þú notar Treo ef þú:

  • ert með astma, öndunarerfiðleika, berkjubólgu með miklum slímuppgangi, hósta með slímmyndun eða ofnæmiskvilla.
  • færð endurtekið verki eða óþægindi frá maga eða þörmum, t.d. magasár.
  • ert með skerta lifrar- eða nýrnastarfsemi.
  • ert með efnaskiptasjúkdóm (glúkósa-6-fosfat-díhýdrógenasa-skort, G6PD-skort), þar sem stórir skammtar af Treo geta valdið alvarlegum blóðskorti með gulu.
  • tekur önnur verkjalyf (t.d. asetýlsalisýlsýru, íbúprófen eða díklófenak), vegna aukinnar hættu á aukaverkunum.
  • tekur blóðþynningarlyf (t.d. warfarín, klópídogrel, dípýridamól), vegna aukinnar hættu á blæðingum.
  • þarft að fá bólusetningu við hlaupabólu.
  • ert með astma
  • ert með væga eða miðlungs alvarlega hjartabilun
  • ert með lifrar- eða nýrnasjúkdóm, einkum ef þú færð þvagræsilyf á sama tíma.
  • tekur blóðþynningarlyf.
  • hefur fengið magasár.
  • ert með ofnæmi gegn asetýlsalisýlsýru, íbúprófen eða öðrum bólgueyðandi lyfjum.

Vegna koffíninnihaldsins getur Treo valdið því að erfitt sé að sofna ef það er tekið skömmu áður en gengið er til náða.

Treo er ætlað til notkunar við tilfallandi óþægindum.

Langvarandi notkun verkjalyfja við höfuðverk getur valdið því að höfuðverkurinn versni. Ef þú ert með eða telur þig vera með slíkan höfuðverk skaltu hætta notkun lyfsins og leita til læknis.

Hafið samband við lækni ef einkenni versna eða batna ekki innan 3 daga ef um hita og mígreni er að ræða, eða innan 5 daga ef um höfuðverk er að ræða.

Börn og unglingar:

Börn yngri en 15 ára mega ekki nota Treo nema í samráði við lækni og aldrei ef þau eru með hita. Börn sem fá meðferð með Treo eiga á hættu að fá Reyes heilkenni, sem er sjaldgæfur en alvarlegur kvilli.

Meðganga, brjóstagjöf og frjósemi

Þungaðar konur eiga ekki að nota Treo á síðustu þremur mánuðum meðgöngunnar. Þungaðar konur og konur sem fyrirhuga að verða þungaðar ættu að forðast notkun Treo. Ekki má nota lyfið á meðgöngu nema í samráði við lækni.

Asetýlsalicýlsýra og koffín berast í brjóstamjólk, en ekki er líklegt að það skaði barnið. Hafa á samband við lækni ef Treo er notað í meiri mæli meðan á brjóstagjöf stendur en við tilfallandi verk.

Eins og mörg bólgueyðandi gigtarlyf (svokölluð NSAID-lyf) getur Treo dregið úr líkum á þungun og því er notkun þess ekki ráðlögð fyrir konur sem reyna að verða þungaðar. Verkunin er skammvinn, þ.e. hættir þegar notkun lyfjanna er hætt.

Svona verkar Treo:

Vatn

Allt sem þarf, fyrir utan Treo freyðitöflu, er vatn. Best er að fylla glas til hálfs af kranavatni.

Freyðitafla

Treo freyðitafla inniheldur asetýlsalicýlsýru og koffín. Acetýlsalicýlsýra hefur verkjastillandi, hitalækkandi og bólgueyðandi áhrif. Koffín eykur verkjastillandi áhrif acetýlsalicýlsýru.

Tilbúin lausn

Treo eru freyðitöflur sem eru leystar upp í vatni. Freyðitöflur frásogast hraðar en hefðbundnar töflur og hámarksþéttni í plasma næst eftir u.þ.b 30 mín. Verkunartíminn er 4-6 klst.

TREO freyðitöflur (asetýlsalicýlsýra 500 mg/koffín 50 mg) er lyf sem hægt er að kaupa án lyfseðils og er notað við höfuðverk, öðrum tilfallandi verkjum og mígreni. Börn yngri en 15 ára mega ekki nota Treo nema í samráði við lækni og aldrei ef þau eru með hita. Hafið samband við lækni ef einkenni versna eða batna ekki innan 3 daga ef um hita og mígreni er að ræða, eða innan 5 daga ef um höfuðverk er að ræða. Þungaðar konur og konur sem fyrirhuga að verða þungaðar ættu að forðast notkun Treo. Ekki má nota lyfið á meðgöngu nema í samráði við lækni. Lesið fylgiseðilinn vandlega áður en byrjað er að nota lyfið. Leitið til læknis eða lyfjafræðings sé þörf á frekari upplýsingum um áhættu og aukaverkanir, sjá nánari upplýsingar um lyfið á www.serlyfjaskra.is. Markaðsleyfishafi er Viatris Aps.